Бесатар

"Бесатар"- ұлттық рухтың төлқұжаты. Хикаяттағы орыс төресі Крейгелді адам екен деп көзге ілмей отыратын дегдар, дана ақсақал Төрехан мен дала батыры Мұқағалидің, аяғындағы етігін жазалаушы отрядттың қолға түскен офицері Иноземцевке тартқызып шештіретін деталдар соның айғағы. Ал, Төреханның бел баласы, оқымысты Сәруардың отаршыл қожайынның алдындағы бүгежектеген бишара халі дәл бүгінгі халқының намысын аяққа таптаудан тайынбайтын ресейшіл ұлт сатқындарының образын еріксіз көз алдыға әкеледі. Демек, "Бесатар" хикаяты, жанкешті қазақ халқына кемел қаламгер Асқар Сүлейменовтың жанды сөзбен орнатып кеткен рухани ескерткіші. ©️ Абай Мауқараұлы